ಕ್ರಾಂತಿ
ಕಣಿವೆಯ ಹುಲ್ಲುಗಾವಲಿನಲಿ ಮಲಗಿದ್ದ ನನಗೆ ಕನಸಿನಲೂ ವರ್ಡ್ಸ್ ವರ್ಥ್ ಬರಲಿಲ್ಲ ಕಾಲರಿಡ್ಜ್ ಕೂಡ ,.. ಎಲ್ಲೋ ಅರಳಿದ ಡ್ಯಾಫೋಢಿಲ್ ಗಳು ಹರೆಯ ಬಿರಿದ ಲಿಲ್ಲಿ ಹೂಗಳು ಘಮವ ಸಾರುತ್ತಿದ್ದವೇನೋ ನನ್ನ ಮೂಗಿಗೆ ಗುರುತು ಸಿಗುವಷ್ಟರಲ್ಲಿ ಚುರುಕು ಕಿವಿ ಪತ್ತೆಹಚ್ಚಿತು- ಕಣಿವೆಯ ಮೂಲೆಯಲ್ಲೆಲ್ಲೋ ಜೆ.ಸಿ.ಬಿ. ಸದ್ದು !? ಲಟಲಟನೆ ಮರವ ಮುರಿದು ಒಡಲ ಬಗೆವ ಸದ್ದು !! ಮಣ್ಣು ತುಂಬಿದ ಟಿಪ್ಪರಿನ ಹಾರ್ನಿಗೆ ಕಾಜಾಣವೊಂದು ಬೆದರಿ ಹಾರಿತು- ಮತ್ತೆ ಬರದ ಶಪಥದೊಂದಿಗೆ,., ಕಾಂಟ್ರಾಕ್ಟು-ರೆಸಾರ್ಟುಗಳ ನೋಟಿನಾಸೆಗೆ ನೆಲವೂ ನಡುಗಿತು... .... ಕ್ರಾಂತಿ ಇನ್ನು ಆರಂಭವಾಗಬೇಕಷ್ಟೇ...!? ಗಿಲೋಟಿನಿನ ನೆನಪಾಗಿ ಗುಡ್ಡ ಇಳಿದು ನಡೆದೆ,.... - ಜಾನ್ ಸುಂಟಿಕೊಪ್ಪ .