ಒಂದು ನಿಟ್ಟುಸಿರು
ಈಗ
ಏನೂ ಅಲ್ಲದವನಾಗುವುದೆಂದರೆ ಏನರ್ಥ?!
ಕತ್ತಲು ಕರಗಿ
ಬೆಳಗು ಅರಳಿ
ಅಣುರೇಣುತೃಣಕಾಷ್ಟಗಳಲೂ
ನಾನು ಕಿರಣವಾಗಿದ್ದೆ ;
ಲಜ್ಜೆಯನೇ ಮೈತುಂಬಿಕೊಂಡಾಗ
ಬೆತ್ತಲುತನವನು ಹೊದ್ದುಕೊಂಡು
ನಿನ್ನೊಳಗೂ ಹೊರಗೂ
ಮೇಘವಾಗಿದ್ದೆ,... ಮಳೆಯಾಗಿದ್ದೆ
ಮತ್ತೆ ಈಗ...
ಏನೂ ಅಲ್ಲದವನಾಗುವುದೆಂದರೆ..
ಇರಲಿ ಬಿಡು..
ನಿನ್ನೊಳಗಿನ ನನ್ನ ಪಿಸುಮಾತುಗಳೆಲ್ಲಾ
ಮೌನವಾಗಲಿ ಬಿಡು;
ಮತ್ತೆ ನಾನು... ?!
ಇಲ್ಲವಾಗಿ ಬಿಡುತ್ತೇನೆ
ನಿನ್ನೊಳಗೆ ಹೇಗೋ
ನನ್ನೊಳಗೂ ಕಾಣೆಯಾಗಿ ಬಿಡುತ್ತೇನೆ
ಹೇಗೂ...
ನಾನೂ ಏನೂ ಅಲ್ಲದವನು ;
- ಜಾನ್ ಸುಂಟಿಕೊಪ್ಪ
ಎಲ್ಲಾ ಇದ್ದೂ... ಏನೂ ಅಲ್ಲದಂತಿರುವವರು 🙏💐
ReplyDelete