ನಿಟ್ಟುಸಿರು

ಭಾರವಾದ ಹೃದಯವೊಂದು

ಮೆತ್ತನೆಯ ಭುಜಕ್ಕೆ 

ಸದ್ದಿಲ್ಲದೆ ಆತುಕೊಂಡಿತು;

ನರಳುತ್ತಾ ನರಳುತ್ತಾ

ಮುಗುಮ್ಮಾಗಿಸುತ್ತಿದ್ದ ಚಿಂತೆಗಳಿಗೆಲ್ಲಾ

ನಿಟ್ಟುಸಿರಿನ ಸಾಂತ್ವಾನ;

ಈಗೀಗ ನನಗೆ ತುಂಬಾ ಚಿಂತೆ

ತಿರುವಿ ಹಾಕಿದ ಪುಟದಂತೆ

ಹಾದುಹೋದ ಹೆಜ್ಜೆಯಂತೆ

ಕಂಡೂಕಾಣದಂತಾಗುವ ಕನಸಿನಂತೆ

ನಾನು ಆಗುತ್ತಿದ್ದೀನೇನೋ ಎಂಬ ಭಯ;

ಹೋಗಲಿ ಬಿಡು..

ಕನಸಿನಲ್ಲಾದರೂ ಕಾಡಿ ಹೋಗುತ್ತೀಯಲ್ಲಾ,

ಅದೂ ಇಲ್ಲವಾದರೆ..!?

ಛೆ..ಹಾಗೇನಾಗಲಿಕ್ಕಿಲ್ಲ

ಕನಸಿಗೇನಿದೆ ಕಟ್ಟುಪಾಡು 

ನೀರವತೆ ತುಂಬಿದ ಕತ್ತಲಿನಲ್ಲಿ

ಬೆಳದಿಂಗಳು ಅರಳಿದಂತೆ,

ಇಂದೂ ಬರುವೆ ತಾನೇ...