ಪ್ರಾಣ
ಎಲ್ಲೋ ಕಳೆದುಹೋದಂತಿದೆ
ನನ್ನ ಪ್ರಾಣ...
ಆತ್ಮದ ಉಳಿವಿಗಾಗಿ ಹಪಹಪಿಸಿ
ನ್ಯಾಯ ನೀತಿ ಗಹಗಹಿಸಿ
ಒಳ್ಳೆಯವನಾಗಲು ಬಯಸಿ ಬಯಸಿ
ಮತ್ತಷ್ಟು ಕೆಟ್ಟವನಾದೆ...
ಇರಲಿ,..
ಅದೆಷ್ಟು ನೋವುಗಳ ಉಂಡಿದ್ದೇನೆ
ಕನಸುಗಳ ಕಂಡೂ ಕಂಡೂ ಬರಿದಾಗಿದ್ದೇನೆ
ಪ್ರಾಣವಿಲ್ಲದ ಆತ್ಮ
ಆತ್ಮವಿಲ್ಲದ ಪ್ರಾಣ ಊಹಿಸಲಾಗುತ್ತಿಲ್ಲ;
ಒಳ್ಳೆಯದಾಗಲಿ...
ಪ್ರಾಣವೂ ಆತ್ಮವೂ ಶಾಶ್ವತವೆಂದು
ಕಂಡವರಾರು?!
ಗಂಟಲು ಬಿಗಿದು
ಕಣ್ಣು ತುಂಬುವುದು ಮಾತ್ರ ಸತ್ಯ ,..
ಅದಿಲ್ಲದಿದ್ದರೆ ಒಂದು ನಿಟ್ಟುಸಿರು...
ಹೋಗಿ ಬರುತ್ತೇನೆ...
ಛೇ...
ತಪ್ಪಾಯಿತು..
ಬರುವುದಿನ್ನೆಲ್ಲಿಗೆ
ಹೊರಡುತ್ತೇನೆ...
- ಜಾನ್ ಸುಂಟಿಕೊಪ್ಪ
Comments
Post a Comment