ಹೂ ಅರಳುವ ಸಮಯ

ಈ

ಕೊಸರಾಟಗಳೆಲ್ಲಾ

ನಿಟ್ಟುಸಿರಾಗಿ

ಬದಲಾಗುವುದರಲ್ಲಿ ಅರ್ಥವಿಲ್ಲ;

ಅರ್ಥವಿರುವುದು

ಅವಳ ಕಣ್ಣ ಶೂನ್ಯತೆಯಲಿ,

ಗೋಡೆಗೋಡೆಗಳಲಿ

ಪ್ರತಿಧ್ವನಿಸುವ ಅಹಮ್ಮಿನಲಿ;

ನನಗೂ ಆಸೆಯಿದೆ

ಉಸಿರಾಡಲು,

ಚೆಲುವಿನ ಹೂವಿನ

ಅರಳುವಿಕೆಗಾಗಿ ಕಾಯಲು;

ಸತ್ತು ಹೋದ

ಪ್ರೀತಿಯ ಮುಂದೆ

ಬೋರಲು ಬಿದ್ದು ಗೋಳಾಡಬೇಡ,...

ಓ ದೇವಾ,

ನಿನ್ನದೇ ದಯೆ...

ಕಿಟಕಿ ಬಾಗಿಲುಗಳ ತೆರೆದು ಕಾಯುತಿರುವೆ,

ನನಗೀಗ ಗೋಡೆಗಳ ಕೆಡವಬೇಕಿದೆ

ಬೆಳೆದು ನಿಂತ ಅಹಮ್ಮಿನ ದೈತ್ಯ

ಕಿಟಕಿ ಬಾಗಿಲುಗಳಿಂದ ಹೊರಹೋಗಲಾರ.

         - ಜಾನ್ ಸುಂಟಿಕೊಪ್ಪ . ಕೊಡಗು.